• 姓名: anson
• 年齡:
• Date: 28 Jul 1999

內容

多謝支持.thank. 亞視好可能無以為繼,要諗諗佢. 而且我唔睇好格格三.

• 姓名: 阿樂
• 年齡: 19
• Date: 28 Jul 1999

內容

絕對支持anson 的睇法, 這種不思進取的做法就'叉'佢, 無異議, 舉腳贊成.

• 姓名: anson
• 年齡: 22
• Date: 28 Jul 1999

內容

這篇是我剛post在tvb的k100自由講的意見.

TVB最失禮的地方就是劇集質素.先不論劇情,TVB劇集最不濟的就是佈景.不論是真情,還是天地豪情;刑偵IV,定係陀槍II,其佈景質素實在假得可以,使人一看便知是搭景的,失在失敗之極了.舉例如最近的"吾係差人"劇中角色"齊哥" (劉江飾)所住的豪宅,佈景搭得細緻之極,的確金碧輝煌.(恐怕日後在一億集長劇可以看到同樣的佈景吧,段估TVB不會為了小小一套二十集<好似要CUT到十五集>的"吾係差人"而搭個靚假景.)TVB的佈景用一個"假"字便可以形容.從刑偵IV的假差館,主角們的住所,法國餐廳等等.雖然靚,但係假.係假得好緊要的假.除了假,還有完全脫離現實的問題,劇集中的小市民角色的住所佈景似乎太大了,以尺價計算是劇中角色負擔不起的,不合情理.要讚的是"妙手仁心"內的急症及手術埸面,其急症室及手術室是實景拍攝,實在難得,相信鄧特希花了不少口水去借實景來拍攝.但是病房及主角們的居所仍然是佈景,使劇集失真,是個不幸.但已是難能可貴了.我預料那一億集長劇的佈景不論用多少Budget去拍,最失敗應該仍是佈景太假.只要我一看日劇就想講粗口去鬧TVB班高層點解唔用多0的Budget去攪好個佈景.丟香港面.看"悠長假期"不知瀨名所住的是否佈景,看同一屋簷下I,II,柏木一家的又是否佈景?點解人0地會有陽光入屋0既?刑偵0的人住天堂屋0架,個窗淨係有一團白光入屋,好恐佈呀!!!!!!!! 講完假佈景,跟住就係劇情.實在唔掂!淨係識玩三,四,五角戀,仲有冇其他?好悶0者!以前有冇試過拍姐弟式戀?師生式戀?而家人0地用0左啦,係咪又想抄?淨識抄抄抄,個腦唔知做乜.以前抄日劇"一零一次求婚"抄成"容易受傷的男人"簡直不知所謂!!最近聽聞"千里姻緣兜錯圈"是抄日劇"庶務二課"不知是不是?堂堂一個大台,抄都抄得衰過人!烈火雄心是不用說了,我以為是消防員的故事,怎料變成英雄本色!!中間二十幾集唔使救火,我不如去睇天地豪情好過!!!一定係唔夠Budget拍災難場面所以攪成咁,好好一套劇就糟蹋0左.可惜.而家做緊"反黑先鋒",同"吾係差人"跟住又有套"非常保鑣"遲0的仲有"佗槍師姐II"劇種範圍窄亦係一個問題.都唔知班高層點諗?!

叉完劇集到叉K100,K100介紹劇情的環節實在無聊之極,三位主持成日逼住扮鬼扮馬去介紹一二線劇集劇情,令人煩厭,唔該快0的改善,十萬個唔該.要介紹咪介紹囉,使唔使攪咁多0野呀.浪費人力物力.

現在一個星期有三晚係旅遊節目,仲未算走火入魔.但我並唔覺得主持所用的是輕鬆手法去介紹景點,我只係覺得係無聊,浪費時間之極.我反而欣賞明珠台的"東西萬里遊"這類旅遊節目.正正經經咁去旅行可能唔適合香港人這類消費動物.所以無線主要介紹消費點是無可厚非,但其方式實在令人討厭,幾個主持吱吱喳喳好乞人憎.

此類無聊的包裝手法更漫延至"瀛真大作戰","k100","勇創紀錄真人show",簡直乞人憎.

仲有,網上自由講0的人講晒粗口都好似無事(或者有事我唔知),一個message可以 post幾十次,又冇人理..睇message又要click入去,的確唔係太方便,講完意見又好似冇人聽,唔知係咪有人偷懶,好似隔離台個格格意見收集箱都唔錯呀.又唔肯將意見箱加設分流,將真情,一線,二線劇及其他意見分開四個位置擺放咪好囉.點解唔咁做?

寫得落去[自由講]叉TVB, 就己經唔諗住要TVB的獎品,我只係想香港0既電視節目質素唔好失禮其他地方,老實講句, TVB 新聞部制作0(定係公共關係科?)既節目的確唔錯,星期三檔案的青少年專題(不知有沒有記錯)能夠反映部分現今所謂邊緣青少年的行為,但仍只限報導其部分行為(例如:其金錢價值觀,朋友觀,學業觀),但對於青少年的性觀念郤少有提及.不知是否此問題在中國社會仍屬禁忌,處理得不好, 隨時被無知婦孺打電話去廣管局投訴話教唆青少年濫交,這可無辜了.(我其實未曾認真去看過該類星期三檔案,一切只是想當然的預測罷了,難免對星期三檔案之類節目有欠公允,見諒.)就以討論青少年的性觀念的節目為例吧. 我猜會在節目中見到不少邊緣少女,而且她們大多數是來自單親家庭,學業成績不佳,愛穿吊帶背心之輩,報導通常會指她們性開放,婚前性行為普遍.但此類節目可有訪問就讀名校之男女生?我就不信名校學生沒有婚前性行為了.我想指出的,是不要就某一類題目(如:青少年性行為),而理所當然地要選哪一類被訪者(如:邊緣少女)這樣會限制了反映現實的範圍,當然我們無可能要求要反映地球上所有現實,但最碼我們雖在能力範圍內做到最好,是吧?

TVB仲有一個部門係值得讚揚,就係配音組,TVB之配音組係咁多部門之中我最欣賞0既部門,佢0地0既實力實在令人欣賞,不論日劇, 台劇, 定係美劇,實在配得揮洒自如.而TVB又冇給于尊重給配音組,實在不該.

最後係TVB唔肯為叮噹改名之謎公開澄清,次次都有人問點解要叮噹改名,荒唔係為左面子問題咩.日本規定以後要用"多啦A夢"呢個名,如果唔用就唔准播.TVB堂堂一個大台,簽0左咁0既不平等條約,點可以揚出0黎?TVB就係咁差啦.